An Hamas (UK: , US: ; Arabic: حماس, translit. Ḥamās, IPA: [ħaˈmaːs];sarong akronimo kan حركة المقاومة الإسلامية Ḥarakah al-Muqāwamah al-ʾIslāmiyyah, lit. Islamikong Hiron nin Pakikipagtusay) sarong Palestinong Sunni-Islamic fundamentalista, militant, asin nasyonalistang organisasyon. Igwa ining serbisyo sosyal na sanga, Dawah, asin sangang militar, an Izz ad-Din al-Qassam Brigades. Ginana kaini an 2006 Palestinong eleksyon lehislatibo asin nagin de facto autoridad na gobyerno sa Gaza Strip pakapangyari kan 2007 Batalya sa Gaza. Ini igwa man mayoriya sa parlamento kan Palestinian National Authority. An Kanada, Europeong Buronyog, Israel, Hapon, Australya, Reyno Unido asin man an Estados Unidos sarong teroristang organisasyon. An New Zealand asin Paraguay pigdesignar sana an sangang militar kaini na teroristang organisasyon militar. Dai konsiderado ining teroristang organisasyon kan Brasil, Tsina, Ehipto, Iran, Norway, Qatar, Rusya, Syria asin Turkey. Kan Desyembre 2018,sarong resolusyon na nagkokondenar sa Hamas komo sarong teroristang organisasyon dai nakalusot sa United Nations General Assembly. An mga lider kan Hamas Ismail Haniyeh nakabase sa Qatar.
© MMXXIII Rich X Search. We shall prevail. All rights reserved. Rich X Search